Zazasova na bobo na « albinos »hoy ny vazaha, ity zaza 2 taona izay voalaza fa nalain’ andian-dahalo nanafika tao amin’ny tanàna iray tao amin’ny distrikan’i Sakaraha ny herinandro lasa teo. Noho ny fahazoam-baovao marim-pototra tamin’olona tsara sitrapo, dia avotr’ireo miaramila mpampandry tany ao amin’ny ZRPS A1 izay miasa any an-toerana ity ankizy ity, tao aorian’ny fifandonana tamin’ireo dahalo , nyzoma 28 Febroary la sa teo. Ny ramaraina no niseho ny fifampitifirana teo amin’ny roa tonta tao amin’ny fokontany Adamionga, Sakaraha. Vokany jiolahy telo no lavon’ny balan’ny mpitandro filaminana. Azo sambo-belona kosa ny fito tamin’ireo 10 lahy izay mbola nikasa ny hitondra ireo ilay voatavo tsy mifandraka hitsoaka. Marihina fa salama tsara ilay zaza rehefa avy nandalo fizaham-pahasalamana. Fa natolotra ny zandary ireo jiolahy voasambotra.
T.M.
