Saika isan’andro tato ho ato dia andrenesana fanafihan-jiolahy mitam-basy foana any amin’ny Distrikan’i Sambava, renivohitry ny Faritra SAVA. Ny alin’ny zoma teo, tokony tamin’ny 11 ora alina, jiolahy maromaro nisaron-tava nanao fanamiana karikary izay samy nitondra basy kalach avy no niditra an-keriny tamina tokantrano iray tao Antanifotsy Sambava. Vao tafiditra tao an-trano ireo olon-dratsy dia nitoto vodim-basy ny lohan’ilay tompontrano, ary noteren’ ireo jiolahy mafy mba hanoro ny misy lavanila tao an-tranony ity raim-pianakaviana voatafika, raha ny fijoroana vavolombelona nataony. Lasan’ireo jiolahy tamin’ity fanafihana mitam-basy maherivaika ity ny lavanila masaka milanja 5kg niampy lamba fripy anaty gony sy lelavola valo alina Ariary.
Eric Manitrisa