Amin’izao fisokafan’ny taom-pitaozana lavanila (vavasaha) izao, dia miaka-bidy izaitsizy ny vidin-javatra any amin’ny faritra Sava, indrindra ireo entana ilain’ny mponina amin’ny fiainany andavan’andro. Raha ao Sambava manonkana ohatra, araka ny fampitam-baovao azo, dia tafakatra arivo Ariary ny voatabia iray ankehitriny. 135.000 Ar ny gonim-bary, 5.000 Ar Eau vive iray, . . . , ary tsy laitra vidina ny hena sy ny trondro. Manoloana ny fiakaran’ny vidin’entana, dia mikaikaina ny ankamaroan’ny mponina, satria tsy ny olon-drehetra no manana vola lavanila.
Eric Manitrisa
