Tranga nahavalalanina ny maro no niseho tany amin’ny foibem-panadinana Amboangibe, distrikan’i Sambava, afak’omaly naraina, fa adiny iray teo am-piatrehana ny laza adina matematika tamin’ny fanadinana Bepc ity zazavavy iray no nihijitra tampoka nihetsika ambalavelona (aretina Anjarinintsy), ka nifandrombahana nobataina nentina nivoaka haingana ny efitranom-panadinana, ary tany no nalana devoly. Rehefa niverina nahatsiaro tena ity tovovavy ity, araka ny tati-baovao voaray avy any an-toerana, dia niangavy mafy mba hanohy ny fanadinana. Nidinika ireo tompon’andraikitra ary nekena ny fiangaviany, ka tany an-tranon’ny « Surveillant » akaiky indrindra ny foibem-panadinana izy no nanohy izany teo am-pandriana sady latsa-dranomaso nitomany teo anatrehan’ireo mpanara-maso roa.
Eric Manitrisa
