Mila vonjy i Faradofay. Mba hiadiana amin’ny firongatry ny tsy fandriampahalemana misy sy mahazo laka any an-toerana, dia mirary vahaolana haingana avy amin’ny fitondram-panjakana ny mponina. Araka ny vaovao voaray, nitrangan’ny fanafihan-jiolahy narahina vono olona indray tao an-tampon-tanànan’i Taolagnaro, ka tokantrano iray ao amin’ny fokontany Tanambao Ambony no notafihan’ny jiolahy nitam-piadiana, tokony ho tamin’ny roa ora naraina. Maty voatsatoka antsy teo amin’ny kibony, afak’omaly, ny raim-pianakaviana tompon-trano. Na dia noezahina novonjena nialana nenina notsaboina tao amin’ny hopitaly Amboanato aza i Zokibe Mamy, dia tsy tana ny ainy noho ny fahaverezan-drà be loatra.
Eric Manitrisa