#-Sambava. Mpandraharaha nisy naka an-keriny. Mpandraharaha iray ao amin’ny tampon-tananan’i Sambava ao indray, fantatra amin’ny anarana hoe Raoul, no nisy naka an-keriny ny zoma antoandro lasa teo. Araka ny fampitam-baovao avy amin’ny zandary dia raha iny izy nitaingina ny fiarany iny no nosakanana valo lahy nitondra basy. Hita teo an-toerana ihany ny fiara adiny iray taorian’izay. Mbola tsy hita kosa hatramin’izao ity mpandraharaha ity. Mitohy ny fikarohana ataon’ireo mpitandro filaminana any an-toerana.
Nangonin’i m.L