# – Ambilobe. Nisy olona nosamborina. Omaly no tonga nanamafy ny fitandroana ny fandriampahalemana ny avy ao amin’ny Emmo-Reg mikasika ilay fandoroana olona velona niseho ny alarobia teo. Ankoatra izany, voalazan’ny loharanom-baovao fa nisy mpikambana avy amin’ny « foroche » nosamborina tany an-toerana. Amin’ny ankapobeny, milamina hatramin’izao ny any an-toerana.
# – Brickaville. Lehilahy iray hafa namoy ny ainy. Tafakatra folo ny isan’ireo maty vokatry ny lozam-pifamoivoizana tany Brickaville tamin’ny faran’ny herinandro lasa teo. Re mantsy, omaly fa namoy ny ainy koa ny lehilahy iray 58 taona anisan’ireo naratra mafy tamin’iny loza iny. Afak’omaly moa no niala tany Toamasina ny razana ary nentina any Anahidrano Antsohihy tany niaviany.
# – Anosibe. Receveur tapa-tongotra. Mpandray vola iray tamina zotra miasa eny amin’ny faritra Anosizato no fantatra fa tapa-tongotra, omaly. Ny vaovao voaray no nahalalalana fa fiara mpitatitra roa no nifanenjika. Tonga teo amin’ny “arrêt” iray, nijanona ilay teo aloha. Tonga anefa dia notrongisin’ilay avy aorina. Tamin’izay fotoana izay, tsy afaka niala ilay mpandray vola.
Nangonin’I r.s.
