# – Fenoarivobe. Zazalahy 13 taona maty nananton-tena tao an-tranony. Tsy mifidy taona intsony ny famoizam-po amin’izao. Tovolahy kely iray vao 13 taona monja no maty nananton-tena tamin’ny tady mahazaka lehibe tao an-tranony, tany amin’ny Kaominina Ambohitromby, Distrikan’i Fenoarivobe, ny faran’ny herinandro iny. Ny zandriny kely sendra niditra tampoka tao amin’ilay efitrano nisy azy no taitra mafy ka nampandre ny lehibe tao an-trano. Vatana mangatsiaka tsy nihetsika intsony nikorozaroza no nalain’ny havany. Raha ny vaovao voaray dia avy nijery horonan-tsarimihetsika ity zazalahy ity talohan’ny namonoany tena.
Eric Manitrisa