# – Ambohitrimanjaka. Any am-ponja ilay mpangalatra omby. Fantatra izao fa taorian’ny nitondrana azy teny amin’ny fitsarana dia nampidirina am-ponja vonjimaika ilay lehilahy tratra nangalatra omby teny Ambohitrimanjaka. Ny voavoa no nahalalana fa efa nigadra noho ny halatra hafa nataony ity olona ity.
# – Arivonimamo. Olona dimy naratran’ny lozam-pifamoivoizana. Fiara mpitatitra iray nitondra mpiantsena handeha hody no niharan-doza tamin’ny sabotsy folakandro teo. Voalaza fa nivoaka ny lalana ity fiara ity. Olona dimy no indray naratra ka ny iray tena voa mafy.
# – Anosibe. Lehilahy voatifitra. Notafihan’ny jiolahy ny trano iray eny amin’ny faritra Anosibe, ny sabotsy teo. Henon’ireo tao an-trano ny nidiran’ireo olon-dratsy. Tsy naharitra ilay raim-pinakaviana ka nojereny. Voambana basy avy hatrany izy. Tsy nanaiky anefa izy fa saika hanohitra ka tamin’izany no nahavoatifitra azy.
Nangonin’i r.s.