# – Mpiasa terena hametra-pialana. Velon-taraina ireo mpiasa marobe ao amina orinasa iray mpikirakira informatique manana ny foibeny any ivelany fa terena izy ireo hametra-pielana ary avy eo vao omena ny karamany. Tsy nanaiky anefa ny ampahany maro ary nilaza ny hametra-pialana mitambatra. Ny tompon’andrikitr’ilay orinasa kosa niteny fa tsy maintsy isam-batan’olona no hanaovana izany. Noho ny fahamaizana ara-bola, nisy ny nanao ny fametraham-pialana. Ireo izay tsy nanao izany dia nilazana fa tsy hahazo ny vola karamany volana martsa.
# – Ambaravaranala. Vehivavy nokapaina famaky. Gaga ny mpiray tanana fa tsy nivoha ohatra ny isan’andro ny tranon’ilay ramatoa. Tany Ambaravaranala any Bongolava no niseho izany. Tapaka ny hevitra ary dia novakiana ny trano. Akory ny hatairan’ny rehetra, olona efa tsy nisy anina intsony no hita. Diam-paky roa no tazana tamin’ny vatany, teo amin’ny tenda sy ny tratra. Efa maty ilay olona.
nangon’i r.s.
