#- Ampefiloha. Mpitondra môtô maty nohosen’ny kamiô. Lozam-pifamoivoizana mahatsiravina no nitranga omaly alina tetsy Ampefiloha. Mpitondra môtô iray no maty tsy tra-drano rehefa nohitsahana kamiô lehibe iray. Tsy fantatra mazava izay nahazo ity môtô nentin’ity lehilahy nianjera ity fa nifatratra tany ambanin’ilay fiarabe.
#-Namorona Mananjary. Nampidirina am-ponja avokoa ilay ampanjaka sy ben’ny tanana. Natolotra ny Fampanoavana ireo olona voarohirohy tamin’ilay resaka savorovoro nahafaty zandary tany Namorona Mananjary. Raha ny fantatra dia nampidirina am-ponja vonjimaika avokoa ireo olona nandray anjara nivantana tamin’ity resaka ity, ka anisan’izany ilay Ampanjaka sy Ben’ny tanana, tany an-toerana.
#-67ha. Mpanendaka roalahy saika matin’ny fokonolona. Mpanendaka roalahy efa rain-dahiny eny amin’iny faritra 67ha iny no tratran’ny fokonolona am-bodiomby teo am-panaovana ny asa ratsiny ny herinandro lasa teo. Efa notazomin’ireo nahatratra azy izy roalahy ireto ary saika niharan’ny hatezeram-bahoaka sy saika nanefa mbamin’ny ainy raha tsy tonga teny an-toerana ireo mpitandro filaminana. Natolotra ny Fampanoavana omaly moa izy ireo.
Nangonin’i m.L
