#-Ambalavao – Fanafihana mitam-basy tamina toeram-pivarotana iray : lasan’ny jiolahy ny lelavola 4 hetsy ariary. Afak’omaly alakamisy 12 janoary, lelavola efatra hetsy ariary niampy ronono telo boaty lehibe sy entana maromaro mora zaka no lasan’ny jiolahy nitam-piadiana nandroba tamina toeram-pivarotana iray tsy lavitra biraon’ny mpitandro filaminana, tany Ambalavao Tsienimparihy, faritra Matsiatra Ambony. Raha ny loharanom-baovao akaiky ny mpitandro filaminana dia tsy nisy kosa ny olona naratra na maty tamin’ity fanafihana mitam-basy ity, ary efa am-pikarohana an’ireo olon-dratsy ny polisy mandray an-tanana ny raharaha.
Eric Manitrisa