# – Amparafaravola. Zandary naiditra am-ponja. Tsy nanaiky ireo ao amin’ny fikambanana beantitra any Amparafaravola fa notorian’izy ireo ny zandary iray efa misotro ronona. Lanin’ity farany avokoa mantsy ny volan’ny fikambanana mitentina 1 tapitrisa ariary. Ilay mpitandro filaminana moa no mpitahiry vola. Rehefa nentina teny amin’ny fitsarana ny raharaha dia naiditra am-ponja vonjimaika ity lehilahy ity.
#-Befandriana-Sud. Dahalo iray maty voatifitra. Ny 4 jiona teo no nanafika tao Andrenalabo ireto dahalo miisa 6 izay nirongo basim-borona 2 saika hangalatra omby tao anaty vala an’ny fianakaviana iray tao an-tanàna.Teo am-pamahana ny vavahady anefa no nitifitra ny tompon’omby ka lavon’ny bala ny iray fa ny ambiny kosa lasa nitsoaka nandositra.
Nangonin’i Alem/ Janus