Tamin’ny alarobia antoandro teo, nisy naka an-keriny ny zazakely iray vao 5 taona, tamin’ny fotoana niravany tany am-pianarana. Tany Toamasina no niseho izany zavatra izany. Ny loharanom-baovao no nahalalana fa zanaka olona anisan’ny mpanam-bola ity nalain’ny sasany ity. Nentin’ireo olon-dratsy tany ilay zaza. Ny alakamisy, nahazo filazana ireo ray aman-drenin’ilay ankizy ireo jiolahy fa raha tsy manome vola 5,5 miliara Ia azy ry zareo dia hovonoiny io zaza io. Nikoropaka ny rehetra nahare izany. Ny vaovoa hatrany no nahalalana fa toa nisy ny fotoana natao. Nihazakazaka ny fandehan-javatra teo. Navotsotr’ireo olon-dratsy teny Ambalamanasa ilay zaza. Tsy lasan’izy ireo ihany koa ny volabe notakiany. Fantatra fa voasambotra ny iray tamin-dry zalahy. Samy gaga ny olona fa hay mpiambina taloha tao amin’io fiankaviana io ihany ilay izy. Efa mandeha ny fikarohana ireo namany.
J.C. Steve/r.s.
