Avy hatrany dia nokapakapain’ity tovolahy iray voalaza fa mamon-drongony ; izay efa tsy tompon’ny tenany intsony ny olona rehetra izay hitany teny an-dalana, amin’ny lalana iray mihazo ny tanànan’ Ankililoaka Toliara II, ny alahady teo. Raim-pianakaviana iray variana nandroaka sarety no naratra mafy. Nitsoaka kosa ilay nahavanon-doza rehefa vita ny habibiana. Romotry ny hatezerana ny olona ka nanenjika azy hatreny an-tanimbary, nefa tsy tratra. Tafiditra tamin’ny kirihitr’ala amin’ny alan’i Mikea ity tovolahy nikapa olona tamin’ny famaky, dia tsy hita intsony, raha tsy izany dia saika matin’ny fitsaram-bahoaka teo, hoy ny vaovao voaray. Nilaza tsy nisy nahafantatra an’ity tovolahy mamon-drongony (adala ?) ity ny rehetra, raha ny fanamarihan’ny vaovao voaray hatrany.
Eric Manitrisa
