Sivy andro taty aorian’ny fahavitan’ny latsa-bato tamin’ny fifidianana kaominaly, ny zoma 31 jolay lasa teo, dia mbola misy amin’ireo kandidà nilatsaka hofidina ho ben’ny tanàna ao Toliara tsy nahaloa volan’ny « délégué de vote ». Tezitra ireto farany narirarira hatramin’izay ka nitroatra. Nitsoaka mihitsy ity kandidà bokan-trosa ity, ny zoma hariva sy sabotsy naraina teo fa norotahan’ny olona. Nanome fepotoana hatramin’ny anio ireto « délègue de vote » fa raha sanatria tsy voaray androany ny vola nifanarahana, dia haka ny entan’ilay kandidà any an-trano ry zareo hatao solom-bola. Raha ny tsilian-tsofina tamin’ny angom-baovao dia hivaro-pananana ity kandidà nilaza fa bokan-trosa sy diso fanantenana ity, hanonerana sy handoavana ny volan’olona.
Manitrisa
