Lehilahy pelaka iray manodidina ny 30 taona mamo, no hitan’ny olona vao maraim-be, omaly tamin’ny 5 ora sy sasany, amin’ny làlana mihazo ny « port Toliara » fokontany Tsimenatse III (Champ de foire), silipo sisa teny an-kodiny. Namototra sy nanadihady azy avy hatrany ireto olona maromaro nihazakazaka sy nanao fanatanjahantena vao maraina. Raha ny fanazavan’ilay sarim-bavy sady mbola raiki-delan’ny toaka, fa nisy telolahy nanendaka azy, raha handeha hody izy. Tratran’ny be noho ny vitsy ka tsy afa-nanohitra. Raha ny nambarany dia lasan’ireo mpanendaka ny volany 15 000 ariary (vidin’entana nisasarana nandritra ny alina), niampy finday iray ary hatramin’ny akanjo teny an-kodiny, ka tsy nisy afa-tsy takon-kenatra sisa nentin’ilay sarim-bavy nody, navelan’ireto mpanendaka.
Eric Manitrisa
