Mbola mitohy ihany ny fandrobàna biby arovana. Avy any amin’ny faritra Androy, tao Beloha ireo sokatra izay miisa 147. Sarona tao Toliara fokontany Mahavatsy 2, rehefa nandalo tao. Avy hatrany dia nisy ny fandraisana andraikitra ka nosamborina ny olona roa izay tompon’antoka tamin’ny fitarerana ireo biby. Nogiazana koa ireo sokatra ary aorian’ny fanadihadiana ara-pahasalamana azy ireo dia tokony haverina any amin’ny toerana niaviany. Tsiahivina fa isan’ny nanala-baraka ny firenena ity resaka fanondranana biby arovana ity vao tsy ela akory izay. Ny fanadihadiana no hanamarina raha saika halefa any ivelany indray ireo. Ny fantatra aloha dia aty an-drenivohitra aloha no saika hitaterana azy ireo no io tratra tao Toliara io. Mila mandeha lavidavitra ny fanadihadiana ary mamongotra ny tambajotra izay ao ambadik’ity raharaha maloto ity indray.
D.R
