Nitrangana haintrano nahatsiravina indray tany Toliara, afak’omaly antoandro tokony ho tamin’ny 11 ora sy sasany, ka toeram-pivarotana fanaka sy dokany miisa folo ao Soanafindra, fokontany Amborongony, no lasa lavenona may kila forehitry ny afo. Mitentim-bidy 300 tapitrisa Ariary eo ny entana may. 20 tapitrisa Ariary ny lelavola hotohoton’ny afo. Raha ny angom-baovao, dia “court circuit” niteraka fipoahan’ny “compteur” niainga tamina trano iray mpanamboatra fanaka no nipoiran’ny afo, ka nahatonga ny firehetana. Raha ny fanazavana azo tamin’ireo niharam-boina, tara vao tonga ny mpamonjy voina, ary tsy ampy ihany koa ny rano nentina namono ny afo niledaleda, ka ora telo taorian’ny firehetana vao maty tanteraka ny afo. Tsy nisy kosa ny aina nafoy tamin’ity haintrano antoandrobe nanahary nigagan’ny rehetra ity.
Eric Manitrisa
