Aleoko maty, hoy ity tovovavy 19 taona bevohoka dimy volana, monina ao amin’ny fokontany Andaboly Toliara, ny alahady hariva teo, rehefa nisarahan’ny olon-tiany. Manambady aman-janaka ity farany, ka traingo ny fiarahana niafina hatramin’izay. Tsy maintsy nisaraka satria tsy mahafoy ny tokantranony ilay rangahy. Tsy nahatanty izany anefa ity tovovavy izay raiki-pitia taminy ity, ka hany heriny namoifo. Raha ny fitantaran’ny renin-drazazavavy dia saika handrapaka poizim-boalavo mahery vaika izy tamin’io andro io, noho ny alahelo diso tafahoatra kanjo tratra ka avotra soa aman-tsara. Tato ho ato, lasa lamaodin’ny tanora any Toliara ity mamono tena ity rehefa misy olana tsy zaka, indrindra ny mpianatra sy ireo voatavo tsy mifandraka.
Manitrisa