Tokantrano iray tao amin’ny fokontany Tanambao II/TSF Nord, Toliara, no notafihan’ny telolahy nirongo basy, afakomaly naraimbe tokony ho tamin’ny roa ora. Tsy afa-nihetsika ny niharam-boina nanoloana ny vavam-basy. Lasan’ny jiolahy ny lelavola mitentina 1,8 tapitrisa ariary niampy firavaka sy rojo volamena milanja 15g sy entana hafa sarobidy mora zaka. Raha ny vaovao voaray dia niliba ireo olon-dratsy. Tsy nisy aina nafoy na olona naratra tamin’ity fanafihana indray nitoraka ity.
Eric Man
