Ankizilahy iray mpiarak’andro no niboraka tsinay notrongisin’ny omby, omaly antoandro tany Andranovory, distrikan’i Toliara II. Tsy maintsy nentina haingana namonjy tobim-pitsaboana tany Toliara ity zazalahy ity noho ny ratra mafy nahazo azy. Araka ny vaovao voaray, dia nisy omby roa niady ka niezaka nanasaraka ireto biby ity mpiandry omby. Nitrifana ny omby iray ka nitrongy azy. Ireo namany niaraka niarak’andro taminy no nampandre haingana ny teo an-tanàna raha vao nitranga ny loza. Noho ny fahaverezan-drà be loatra, dia ahiana ny ain’ity zazalahy ity, satria nisy tapaka ihany koa ny teo amin’ny tratrany.
Eric Manitrisa