Tao anatin’ny fitohanan’ny fifamoivoizana no nanararaotra ny asaratsiny ireo mpanendaka. Ny asabotsy teo no nisian’izany tao ambany tonelinan’Ambohidahy. Ny sasany mikapokapoka ilay fiara ary ny sasany kosa nampidina an-keriny ny fitaratr’ilay fiara. Tsy nisy azon’ ilay mpamily natao intsony tao anatiny, satria sady be no ho ny vitsy no tsy afa-nitsoaka rahateo. Lasa tao anatin’izany ny finday Iphone V, raha araka ny fanamarihana azonay. Ny tena nahatalanjona ny maro, dia ny fahasahian’ireo olon-dratsy : sady amin’ny andro antoandrobe no amin’ny ora maha-be olona mivezivezy sy fiara mifamoivoy no nanaovan’ireo asaratsy. Asa, toa ireny fihantsiana ireny mihitsy ny fiheveran’ny maro ; izay indrisy fa mijery fotsiny sisa rehefa mitranga ny fanendahana. Raha ny fanazavan’ny mpitandro ny filaminana, dia manomboka misintaka tsikelikely amin’ny toerana mafampana izay matetika efa misy voafehy ireo olon-dratsy ankehitriny. Raha ny fijerin’ny olon-tsotra indray anefa dia tsikaritra fa efa sahy miditra ampivoan-tanàna ireo mpanendaka anaty fiara. Tamin’ny herinandro teo mantsy dia saika tany amin’iny làlana digue sy 67ha iny no matetika fanaovan’ireo izany asaratsy izany.
D.R
