Olona efatra ny tompon’andraikitra eo anivon’ny ladoany etsy Ivato izay nahasarona ny fikasàna hanondrana harem-pirenena. Samy nibata 97 tapitrisa ariary avy izy ireo, araka ny fampanantenan’ny filohan’ny Repoblika tamin’ny filan-kevitry ny minisitra ny amin’ny hanomezana tambiny ireo izay mahatratra mpanondrana biby arovana na harem-pirenena. Nahazo fiakarana grady koa ireo sasany izay niara-nisalahy tamin’ireo mpiasan’ny ladoany efatra ireo manodidina ity fisamborana mpanao trafika ity. Momba ny volamena indray dia nahazo maherin’ny 25 tapitrisa isan’olona ireo efatra izay niara-niasa nahatratra ireo nikasa hanondrana. Napetraka ny laharana hahazoana ny mpitondra ny firenena ary raha sendra misy mitady hanindry bokotra na manelanelana dia avy hatrany dia azo antsoina.
D.R
