Araka ny fivoriamben’ireo mpikambana ao amin’ny Trano Kolotoraly Malagasy; izay natao ny tolakandron’ny 11 aogositra lasa teo, dia hotanterahana ny Alakamisy 15 aogositra ho avy izao ny fifidianana izay ho filoha vaovaon’ity fikambanana ity. Hatomboka amin’ny 2 ora sy sasany izany ka ao amin’ny foiben’ny Trano Kolotoraly Malagasy ao Soarano no hifamotoana ireo mpikambana. Mba tsy hisorohana ny mety ho olana, dia ny komity izay efa natsangana tamin’io fivoriambe natao ny 11 aogositra 2019 io no hikarakara izany fifidianana izany. Io komity io no mandrindra sy misahana vonjimaika ny raharaha rehetra eo anivon’ny fikambanana mandra-pitsangan’ny birao vaovao, satria efa tapitra tamin’ny volana jona 2019 teo ny fe-potoana niasan’ny teo aloha.
T.M.
