Feno tsara ny horonan-tsary izay nalain’ny olona iray monina eny amin’ny manodidina izay leon’ny asan-jiolahy. Nanapa-kevitra ny nandray andraikitra izay mifanandrify azy izy dia ny fangalàna sary miafina. Feno ary tena tsy nazava ny voarakitry ny horonan-tsariny mahakasika ny fisian’ny andian-jiolahy eo an-toerana. Tamin’ity indray mitoraka ity dia fiara mpitondra entana izay misarona labasy ny aoriana no nataon’ireo olon-dratsy lasibatra. Efa nojapiana ny fiara izay mandeha eny an-dàlana ary notsirihina ny tao anatiny. Ny ambiny amin’ireo mpandroba kosa dia manaraka eo amin’ny roa metatra manodidina ary mitsirika sao misy mahita. Miditra an-tsehatra avy hatrany raha vao mitranga ny olana. Azo
sary avokoa izany rehetra izany ary raha kely indrindra dia olona efatra eo ny ao anatin’ilay tambajotran-jiolahy. Azo heverina ho feno ny porofo, ny fisamborana sisa no handrasan’ny olona.
D.R
