Fiara tsy mataho-dàlana no nivoaka ny làla-mahitsy ary nifatratra tany an-tanimbary. Olona iray no namoy ny ainy avy hatrany raha torana tsy nahatsiaro tena kosa ny ambiny, raha araka ny fitantaran’ny teo amin’ny manodidina. Nentina avy hatrany teny amin’ny toeram-pitsaboana ny naratra mba hamonjena ny ain’izy ireo. Mbola ireo nahita maso ihany no nanazava fa nisy fandehanana mafy nialohavan’ity lozam-pifamoivoizana tetsy amin’ny lalam-baovao Tsarasaotra mihazo an’Ivato ity. Isan’ny toerana nitrangan’ny lozam-pifamoivoizana betsaka teto an-drenivohitra ny làlan’i Tsarasaotra izay mba isan’ny hany tokana tsara eto an-toerana. Tsy mahazaka mahita làlana tsara intsony angamba ny mpamily sasany izay efa leon’ny fitohanan’ny fifamoivoizana, hany ka vao mahita malalaka dia manitsaka mafy avy hatrany. Mihodidina eo hatrany ny anton’ny loza.
D.R
