Mitohy ny hazalambo ataon’ny Zandary sy ny vatan-dehilahy matanjaka hoan’ireo jiolahy manao asa fakana an-keriny. Taorian’ny fanehoana ireo olona efa-mianaka nalaina an-keriny, navotsotr’ireo olon-dratsy, 16 andro aty aoriana, dia mipariraka sy manao hazalambo hatrany ny mpitandro ny filaminana sy ny vatan-dehilahy matanjaka. Tonga fofona ary tsy milavo lefona ny Zandary, izay manao fizarazarana any amin’ilany atsimon’ny disitrikan’i Tsaratanàna iny, amin’ity resaka fankana an-keriny manao sesilany any an-toerana ity, na ihany koa amin’ireo jiolahy milaza azy ho Dadany. Mitohy ny fisafoana, ireo faritra kizo mety fiarehan’ny jiolahy, eo anelanelan’Ambolosy/Ambakireny sy Sarotramalona/Marotsopoy, fokontany Bemololo, hatrany Mahabe, indrindra ny any amin’ny kaominina ambanivohitra Brieville, ary ny disitrikan’i Tsaratanàna iray manontolo mihitsy, hoan’ny tapany atsimo.
Ratantely
