Anisan’ny azo lazaina ho tafiditra ao anatin’ny faritra mena ny any amin’ilany atsimon’ny disitrikan’i Tsaratanàna, ato anatin’ny faritra Betsiboka an-kehitriny makasika ny firongatry ny trangana « kidnapping, » izay nahazo vahana nandritra ny 26 Desambra taona 2024 lasa teo iny sy ny volana Febroary taona 2025 makaty. Nohon’izany dia tonga nidinika ho fikatsaham-bahaolna, amin’ny ady atao amin’ny tsy fandriam-pahalelmana miseho, tao amin’ny kaominina ambanivohitra Brieville, disitrikan’i Tsaratanàna ny préfet Maevatanàna sy ny Solombavam-bahoaka, any an-toerana, ary ny lehiben’ny Zandarimariam-pirenena ato anatin’ny farim-piadidin’ny faritan’i Mahajanga, Commandant de la zone des défenses et de sécurité Ankarafantsika, lehiben’ny vondron-tobim-pileovan’ny Zandary eto Betsiboka, manamboninahitra, avy ao amin’ny tafika sy Zandary. Nivoitra nandritra ireo soso-kevitra maro ireo ny hampandriana fahalemana maharitra, any amin’iny faritra iny. Taorian’izay ihany koa dia nifanaiky ny telo tonta: ny mpitandro ny filaminana sy ny mpitondra sivly, ary ny vahoaka, fa hanao soroko miara-milanja sy tongotra miara-mamindra amin’ny ady atao makasika ny firongatry ny trangana kidnapping.
Ratantely
