Zava-doza no nitranga teny Tsiadana, omaly tolak’andro tokony tamin’ny 1 ora teo. Araka ny loharanom-baovao voaray, dia fantatra fa zazalahy kely roa no maty tao an-tatatra. Voalaza fa 9 taona sy 6 taona izy ireo. Araka ny vaovao voaray, nilalao teny an-tsaha ireto ankizy roa ireto, avy eo nidina tao an-tatatra naka fozaorana mba hatao kilalao. Miakatra tanteraka ny rano eny an-toerana taorian’iny orana be nirotsaka ny sabotsy lasa teo iny ka izay no nahavariana ireto zaza roa ireto teo an-tatatra nahita ilay fozaorana niakatra be. Difotra tanteraka izy roalahy ary tsy avotra intsony ny ainy. Olona handeha ho eny an-tsaha no nahita ny razana nitsingevana.Taitra avokoa ny mponina teny Tsiadana raha nahita an’ireto zazalahy kely roa ireto, izay efa tsy nisy aina intsony.
FINARITRA RAKOTO (Stagiaire)