Lehilahy iray mpivarotra ao Ambatofotsy, izay nitondra fiara Peugeot 306 no nosakanan’ny jiolahy teny an-dalana, ka nalain’izy ireo ny fiara nentiny. Ny 31 desambra lasa teo dia nisy nanakana teny an-dàlana izy, olona telolahy ary vehivavy iray. Nilaza ireo fa ho any Anjomakely ka noraisiny. Rehefa tonga teo alohaloha anefa dia nambanan’ireo olon-dratsy antsy ilay mpamily no sady noteren’izy ireo hivily lalan-kafa, tany amin’ilay sampanana hoany Tsiafahy. Tafaporitsaka ihany anefa ilay mpamily ka nandeha haingana nampandre ny zandary. Natao ny fisavana ny teny amin’ny manodidina ka voasambotra ilayvehivavy iray niaraka tamin’ireo mpangalatra fiara. Rehefa nohadihadiana dia fantatra fa izany Valentine izany no anarany ary mpivarotena eny amin’ny 67ha hono no asany. Mbola mitohy ny fikarohana ireo namany sy ny fiara, ary ny zandary ao Ambatofotsy no miandraikitra izany.
A.R.
