Vola manodidina ny 10 tapitrisa ariary any ho any no lasan’ireo olon-dratsy tao amin’ity mpivarotra iray tao an-tampontananan’i Betroka ny harivan’ny alakamisy teo. Araka ny fampitam-baovao azo dia nandritry ny fahatapahan-jiro any an-toerana no nanararaotan’ireo olon-dratsy nanao ny asa ratsiny. Mpivarotra iray teo an-tanana no lasibatra teto. Raha ny vaovao hatrany dia ankevitry ny efa voaomana mihitsy ity fanafihana ity ary diso fantatr’ireo olon-dratsy ilay toerana sy ny vola niditra tamin’izy ireo. Raha ny fantatra mantsy dia na dia efa nihidy aza ilay fivarotanana dia azon’izy am-pitaka mba hamoha ny varavarana ireo tompon-trano. Vantany vao nisokatra izany dia basy avy hatrany no nentin’izy ireo nandrahonana ireo tompon-trano, hitakiana ireo vola maty. Tsy afa-nanohitra noho izany iretsy farany fa dia nanome, satria toa fantatr’ireto mpanafika ny fisian’izany. Rehefa azon’izy ireo moa ny vola dia niala teo amin’io toerana io, toy ireny olon-tsotra ireny ireo jiolahy. Marihana fa tsy nisy poa-basy, tsy nisy antso vonjy akory nandritra ny fanafihana. Tsy nisy naheno akory na dia iray aza ireo mponina izay efa samy nihidy an-trano noho ny haizina. Efa dila lavitra, efa ela moa ireo mpanafika vao afaka nianto vonjy tamin’ny mpitandro filaminana ireo niharam-boina. Efa mandeha kosa ny fikarohana ireto farany, raha ny vaovao hatrany.
m.L
