Tena mironagatra ny halatra sy ny vaky trano eto Toamasina mialoha sy taorian’ny fetin’ny faran’ny taona sy ny taona vaovao ity. ny zavatra tsapaaloha dia tena lasibatra ny fokontany Andranomadio P/elle 11/43 iny tamin’ity halatra sy vaky trano ity. tokantrano iray indray no lasibatra tao an-toerana, ka noraofin’ireto andian-jiolahy avokoa ny entana manana “valeur” tao an-trano toy ny fahitalavitra – finday – ireo zava-maneno…ary ireo firavaka samy hafa, eny fa hatran’ny tohivolo (postiche) tao amin’ilay trano ihany koa. Tsy mifidy mihintsy ireto andian-jiolahy mandeha andiany dimy ireto, fa izay tojo ny tanany ka mety mivadika vola raha zavatra ilay izy dia alain’izy ireo avokoa. Nanomboka ny faran’ny taona no makaty dia ity no trano fahafolo teo nanaovan’ireo andian-jiolahy ny halatra sy vaky trano fanaony. Hatramin’izao dia mbola tsy misy tratra ireto andian-jiolahy mpamaky trano ireto, na manao ny ezaka amin’izany aza ny mpitandro filaminana. Mitaitaina vokatra izany ireo fianakaviana mipetraka eny amin’ny fokontany Andranomadio P/elle 11/43 noho ireto andian-jiolahy tsy mifidy raha angalarina ireto. miezaka miambina alina ihany ny fokonolona fa saingy tsy mety tratra ireto jiolahy ireto, miezaka mifampiaro ihany ireto fokonolona saingy noho ireto jiolahy ireto manana basy dia tsy afa-manohitra ireo fokonolona.
Malala Didier
