Feno 46 taona katroka amin’ny faha 11 jona ho avy izao ny namoroan’i Mami Bastah ny hirany voalohy nahafa-po azy nampitondrainy ny lohateny hoe foaran’ny Belazao. Tsy mbola nivoaka ny voambolana vazo miteny tamin’izany fotoana fa dia mihaina sy nifaly tao anatin’ny tononkira sy feony no nalaza ary tsy afaka tao ambavan’ny olona izany tamin’ny taona 1977 na dia mbola andininy voalohany miampy ny fameranana aza no vita tamin’izany fotoana. Niaraka tamin’ny tarika RAMY i Mami ny taona 1982 ary teo no nahavitany andininy faharoa tamin’io hira izay niaraha nanaovana fampisehoana tamin’ny tarika Remy taty aoriana.
Ny volana janoary 2000 no namoronany ny andininy fahatelo tamin’io hira io hatrany izay efa nitondra ny anarana Mami Bastah izy nanomboka teo. Marihiko hoy Mami Bastah fa tsy mbola noraketina raki-kira na raki-tsary io foaran’ny Belazao io hatramin’izao fa hotanterahana kosa izany aoriana kely ao.
Tsy hamela io daty io handalo fotsiny ny tarika fa hisy ny fanamarihana hatao satria zava dehibe amiko sy ny tontolon’ny mozikako sy ny famoronako hoy Mami. Hisy noho izany ny fampisehoana izay karakarakin’ny Mami Bastah ny faha 11 jona ho avy izao izay hatao ao amin’ny tokontany malalaky ny Rta Antsirabe hanomboka amin’ny 3 ora ka hanasany ireo mpanakafy azy.
Maherin’ny 250 ny hira noforonin’i Mamy Bastah ankehitriny ary ezahina ny hirana ireo hira tena namantaran’ny maro ahy hoy hatrany Mami ary raha sanatria misy adino ka misy mangataka dia hatao avokoa. Marihina fa manana ny mpitendriny manokana Mami ary “grand complet” ny ekipa mandritra io fotoana io.
Andry N.
