Raha araka ny fampitam-baovao samihafa voaray, dia faritra maro eto amintsika no mbola ahitana alika romotra mirenireny amin’izao. Olona efatra voalaza fa voakaikitry ny alika romotra, ny zoma teo, tao Betoafo Distrikan’i Vangaindrano no maty rehefa tonga tao amin’ny hopitalibe. Tezitra ny fianakavian’ireo mana-manjo ka nikaroka an’ireo alika romotra nirenireny eran’ny tanàna, ka namono avy hatrany ireto biby. Fa mbola tany Vangaindrano izay hatrany, dia zazalahy iray sahabo ho 13 taona eo no maty dobo an-drano raha namonjy ny lakana nentiny izay lasan’ny rano, tao amin’ny reniranon’i Menagnara ny zoma teo, ary hita faty afak’omaly tolakandro.
Eric Manitrisa