Rongony 42 gony no saron’ny mpitandro ny filaminana tao an-tampon-tanànan’i Vangaindrano, faritra Atsimo-Atsinanana, ny alatsinainy lasa teo. Araka ny vaovao dia avy any Betroka ireto zava-mahadomelina ireto no saika haparitaka sy hamidy ao an-toerana. Fantatra ihany koa fa tambajotra mihitsy no manao ity asa ratsy ity ka olona telo izay sady mpivarotra no mpifoka rongony no voasambotra ary efa nampidirina am-poja vonjimaika rehefa natolotra ny fitsarana, omaly. Voalaza fa mbola misy olona hafa voakasika amin’izao raharaha izao karohina.
T.M.
