Omaly vao nivoaka tamin’ny fomba ofisialy teo amin’ny pejin’ny pôlisim-pirenena ny fisamborana an-dRalava, ilay tovolahy hita tamin’ny horonantsarin’ilay ady an-dalambe ny andron’ny krimasy teo teny amin’iny faritra Ambohipo iny. Araka ny hita tao amin’ny rantin’ny polisy hatrany dia ny ampitson’io zava-niseho io, izany hoe ny alakamisy teo no nosamborina ity farany ary « notanana natao fanadihadiana ny tenany ary miandry ny fampakarana azy eny amin’ny fitsaràna »
Tsara marihana fa antony nisamborana azy voalohany indrindra ny herisetra an-dalambe niaraka tamin’ny vono sy ratra niniana natao. « Lava », izay hita tsara tao anatin’ilay horontsary niparitaka tao anaty tambajotra sosialy, ho tompon’ilay « daka nandrivorivo » naha- « K.O » tanteraka ilay olona nifanandrina taminy. Ity farany, raha tsiahivina hatrany dia efa lavo tamin’ny tany.
m.L
