Noho ny fanomezana loharanom-baovao marim-pototra avy tamin’olona tsara sitra-po ho an’ny mpitandro filaminana, dia saron’ny Zandary avy ao amin’ny Tobim-paritra Ampanefena, tao Masomamangy, fokontany Ambodipont Anjambazamba, any amin’ny kaominina ambanivohitra Antsirabe-Nord, distrikan’i Vohémar, ny lehilahy iray mpivarotra basy vita gasy, ka basy mahery vaika miisa efatra izay efa mitovitovy amin’ny vita vazaha no tra-tehaka tany aminy, ny asabotsy teo. Raha ny fanazavana azo, dia saika hamidy ireto basy fohy roa sy basy lava roa ireto, izao tra-tehaka izao. Ny Lietnà-kolonely Hajatiana Ralaikoto, Kaomandin’ny Vondron-tobim-pileovan’ny Zandarimaria ao Sava, dia manentana hatrany ny vahoaka mba tsy hisalasala amin’ny fanomezam-baovao ny Zandary, mba hahafahan’izy ireo manao ny asany amim-pahombiazana, ary nanome toky ity tompon’andraikitra manamboninahitra ambony ity, fa hotazomina ho tsiambaratelo tanteraka ny mikasika izay manome vaovao, ary koa omena maripankasitrahana.
Eric Manitrisa