- Publicité -
lundi, septembre 1, 2025
- Publicité -
AccueilFaits-DiversZandarimariam-pirenena fikarohana ady heloka bevava : Voasambotra ireo olona dimy lahy saika...

Zandarimariam-pirenena fikarohana ady heloka bevava : Voasambotra ireo olona dimy lahy saika hanodina kaontenera

Efa tena henjana ireo andian-jiolahy mpangalatra sy mpanodina kaontenera eto Toamasina ankehitriny. Misy ny firaisana tendro amin’ireo mpamily kamiao ireto andian-jiolahy, saingy mailo mikasika izany koa ny mpitandro filaminana. Vokatry ny loharanom-baovao marim-pototra voarain’ny zandary avy ao amin’ny sampana fikarohana ady heloka bevava, tarihan’ny komanda Chef d’éscadron Randriamanovosoa, dia fikasana hanodina kaontenera 40’ misy kojakoja fampiasa amin’ny moto izay scooter ny ankamaroany. Raha nivoaka ny seranan-tsambo ny kamiao iray nitondra ity kaontenera misy ilay kojakoja fampiasa amin’ny moto ity, dia nihazo ny lalam-pirenena faharoa satria any Antananarivo ny tompon’ilay entana. Vao tonga teo Antanandava ao anatin’ny kaomininin’i Toamasina suburbaine lalam-pirenena faharoa, dia nanao mody maty tsy afa-nandeha fa nisy fahasimbana ilay kamiao. Nandritra izany anefa dia efa tsy lavitra teo intsony ireo andian-jiolahy mikasa hanodina ilay kamiao sy ny entana teo amboniny. Teo koa anefa no mailo ny zandary ka avy hatrany dia nandray ny andraikiny nisambotra ireto andian-jiolahy, ka dimy ireo andian-jiolahy voasambotra nandritra izany, ireo namany hafa kosa tafaporitsaka. Avy hatrany dia nentina teny amin’ny biraon’ny zandary sampana fikarohana heloka bevava izy dimy lahy niatrika ny fakana am-bavany sy famotorana azy izy ireo. Nandritra ny fakana am-bavany sy famotorana azy ireo dia nihaiky ny heloka fikasana hanodina sy famakiana kaontenera izy dimy lahy. Saingy raha ny fanazavana voaray dia mbola tsy misy zavatra azon’izy ireo fa mbola fikasana no nataon’izy ireo, na efa vonona ny haka ireto kojakojana moto maro be ireto aza ireo andian-jiolahy.

Malala Didier  

- Publicité -
Suivez nous
414,384FansJ'aime
12,533SuiveursSuivre
1,820AbonnésS'abonner
Articles qui pourraient vous intéresser

LAISSER UN COMMENTAIRE

S'il vous plaît entrez votre commentaire!
S'il vous plaît entrez votre nom ici