Lehilahy iray 48 taona eo ho eo, antsoina hoe Christian no tratran’ny mpitandro filaminana teo am-panaovana ny asa ratsiny, ny alarobia teo. Tokony ho tamin’ny 06 ora hariva teo no nitrangan’ny fanendahana. Teny amin’ny fiantsonan’ny fiara fitateram-bahoaka 67 HA, anoloan’ny HAVANA no nanendaka ramatoa ankiray ny tovolahy. Kavina volamena roa no lasany. Rehefa iny izy nitsoaka nihazo ny elakelantrano iny, no nifanena tamin’ireo mpitandro filaminana; izay nanao fisafoana. Noraisim-potsiny izy tamin’izany ary, dia mbola tratra teny an-tànany ireo kavina. Niaiky ny halatra nataony izy rehefa nofotorana ary nambarany tamin’izany fa ho- entina amidy eny Analakely ireo halatra.Efa eo an-tànan’ny fampanoavana ny raharaha ankehitriny.
Narindra (Stagiaire)
