Nitrangana asan- dahalo ny fokontany Androtro, kaominina Morafena, distrika Befandrina Nord ka dahalo efa-dahy no namoy ny ainy tamin’izany. Taorinan’ity vono ity dia mandrahona hanatanteraka valifaty ho an’ny Fokonolona ny dahalo. Nandray fepetra noho io feo miely io ny Zandarimariam-pirenena ka zandary 4 no efa nidina any toerana nizaha ny toe-draharaha sy nijery ifotony ny tena zava-misy mba hisorohana ny loza mety hitranga. Ho fanampiana tosika ireo zandary dia efa miomana ihany koa ny manampahefana samihafa hanatevin-daharanana azy ireo amin’ny fampandrian-tany. An-dalana hidina any amin’ny fokontany voakasika araka izany ny kaomandan’ny kaompania Mandritsara, arahin’ny kaomandin’ny borigady ary ny lehiben’ny distrikan’i Befandriana Nord.
Kanto R. (Stagiaire)
