Nosafidian’ny minisiteran’ny Tontolo Iainana manokana, ny faritra Alaotra Mangoro Ambatondrazaka nanatanterahana ny fisokafana sy fampahafantarana ny rehetra amin’ny ady atao amin’ny fiovaovan’ny toetr’andro eto Madagasikara. Ny faha-11febroary 2016 teo no tontosa izany. Samy resy lahatra ny rehetra indrindra ny vahoaka sy ny mpianatra fa tokony hoezahana haingana ny fiarovana ny tontolo iainana eto Madagasikara. Eo rahateo ny vinan’ny minisitera amin’ireo ady sy ny fiaraha-mientan’ny rehetra hiarovana izany tontolo iainana izany. Tsy vitan’ny minisitera samy irery ny ady, fa an’ny rehetra. Tandindonin-doza ny sompitr’i Madagasikara noho ny fahasimban’ny tontolo iainana sy ny fiovaovan’ny toetrandro ka tokony hiara-mientana isika amin’izany ady iaraha-manana amin’izany. Tonga taty an-toerana nanatanteraka fampiratiana ho an’ny rehetra ny tale nasionaly amin’ny fiovan’ny toetr’andro eto Madagasikara Atoa Rakotondravony Hery sy ny mpiara-miasa aminy, izay teo ambany fiahian’ny lehiben’ny faritra Alaotra Mangoro ny Dr Raminoarison Honoré, sy ny préfen‘Ambatondrazaka Atoa Rakotondrasoa Daniel . Trano heva maro no naranty tetsy amin’ny toerana malalaka manoloana ny kaominina Ambatondrazeaka renivohitra izay nahitana ireo mpiara-miombona antoka eo anivon’ny ady amin’ny fiovaovan’ny tontolo iainana, ary samy resy lahatra ny rehetra amin’izao ady iaraha-manana izao.
Janus R