Araka ny tarehimarika ofisialy, dia ny 30%-n’ny Malagasy mihoatra ny 15 taona amin’izao fotoana izao no tsy mahay mamaky teny sy manoratra ary mikajy, ka maro amin’ireo olon-dehibe any amin’ny faritra Atsimon’ny nosy no tsy mahay mamaky teny sy manoratra. Mba hiadiana amin’ny habadoana misy sy mahazo laka, dia natsangana ao Ambovombe renivohitry ny Faritra Androy, ny ivontoerana fiahiana ny olona tsy mahay mamaky teny sy manoratra, na ny « Centre d’Alphabétisation et de Ressources », ka ny olon-dehibe no hahazo tombontsoa manokana amin’ny fijoroany, ary sehatra iray hahafahana miady amin’ny habadoana ny fisiany. Misokatra tanteraka amin’ireo fikambanana rehetra miady amin’ny habadoana ny ivontoerana « CAR », raha ny fanazavana azo.
Eric Manitrisa
