Tovolahy iray manodidina ny 20 taona voalaza fa mamon-drongony no namono nahafaty ny renibeny tamin’ny fomba mahatsiravina, tany amin’ny distrikan’ Ampanihy Andrefana, afak’omaly. Araka ny vaovao voaray, dia nila sotasota tamin-dRamatoabe mitaiza azy ity tovolahy ity rehefa nangata-bola iray alina ariary ka tsy nahazo. Tezitra ny anao lahy ka naka zava-maranitra ary notsatotsatohany ny antsy ity renibeny.Rehefa hitany fa tsy nisy aina intsony ity farany sady nandriaka ny rà tao an-trano, dia vaky nandositra izy, ka mbola karohina. Raha ny fantatra araka ny vaovao voaray hatrany, dia tsatok’antsy teo amin’ny tratrany sy ny kibony no nahafaty an-dRamatoabe. Raha ny loharanom-baovao, dia matetika miady sy mifamaly izy mianaka ireto noho ity tovolahy mivarilavo amin’ny fifohana jamala sy mangalatra.
Eric Manitrisa
