Taorian’ny fanafihan-jiolahy nitam-piadiana nitranga tao Mahatsara, Kaominina ambanivohitra Antanimenabaka, distrikan’ Andilamena, ny alin’ny alakamisy teo, tokony ho tamin’ny sivy ora, dia voasambotra i Barinjaka lehiben-dahalo izay tovolahy vao 17 taona monja, nefa efa jiolahy ikoizana sy raindahiny nampitondra faisana olona maro tany amin’ny tapany avaratry ny faritra Alaotra Mangoro iny. Rehefa voasambotra ity lehiben-dahalo tanora vao erotrerony ity, dia saika niharan’ny fitsaram-bahoaka, nefa nalaky tonga nandamina haingana ny raharaha ny mpitandro filaminana, ary nitondra an’ity jiolahy azo sambo-belona ity natao famotorana lalina tany amin’ny birao. Raha ny tati-baovao voaray farany, mbola am-pikarohana fatratra an’ ireo jiolahy miisa efatra naman’i Barinjaka izay tafaporitsaka nandositra nandritra ny fotoana nisamborana azy ny mpitandro filaminana.
Eric Manitrisa
