Ny faha-8 septambra lasa teo, tokony ho tamin’ny 3 ora hariva, nirehitra ny fiangonana FJKM Ziona ao Ambohitsila Ambatobehasina Fitsinjovana Bakaro, any amin’ny faritra Andramasina. Rehefa nojerena ny fahavoazana dia tafakatra hatrany amin’ny 5 tapitrisa ariary ny fahasimbana. Ny loharanom-baovao no nahafantarana fa mitokamonina tanteraka ity trano fivavahana ity ary katekista no mitondra ny fiangonana. Tsy teo an-toerana anefa izy io tamin’ny fotoana nahamay ny trano, hoy hatrany ny vaovao. Raha vao nahare ny zava-nisy ny zandary avy ao amin’ny PA Fitsinjovana Bakaro dia nandeha teny an-toerana. Nanokatra fanadihadiana izy ireo mba hahalalana ny tena marina mikasika ity fahamaizana ity.
r.s.
