- Publicité SW45 -
vendredi, mars 29, 2024
AccueilFaits-DiversAndravoahangy Ambony : Olona sivy miara-mangalatra anaty « boutique »

Andravoahangy Ambony : Olona sivy miara-mangalatra anaty « boutique »

Tsotra be ny fikan’izy ireo. Miara-miditra ao anatin’ny toeram-pivarotana iray. Samy maka toerana ary mifanesy manontany ny vidin’entana. Mazava hoazy fa sempotra koa ny mpivarotra ao anatin’izany ary tsy mahara-maso intsony. Tamin’ity tranga iray ity dia sendra nivoaka kely ny iray tamin’ireo tompon’andraikitra tao amin’ilay tsena. Tao anatin’izay no nanararaotan’ireo olon-dratsy izay miandahy, miambavy ary madio fitafiana. Izany hoe nafenin’ireo tamin’ny fijery ivelany tanteraka ny maha-tontakely azy. Ny sasany mody be fanontaniana ary ny sasany kosa efa manatsofoka entana any anaty paoketra. Very ny finday ary nisy vola lasan’ireo olon-dratsy koa. Ny tsy nampoizin’ity fikambanan-jiolahy sy jiovavy ity dia ny fisian’ny « caméra de surveillance » tao amin’ilay toerana. Voarakitra tao anaty horonan-tsary avokoa ny momba ny halatra ary koa ny tavan’izy rehetra. Omaly ihany dia efa niparitaka ny sary ary koa tonga teny amin’ny mpitandro ny filaminana. Mandram-pahazoana ireo olon-dratsy ireo dia tokony ho malina ny tompon’ireny «boutique » mivarotra entana isan-karazany ireny. Mila mailo rehefa misy maromaro indray miditra sy be fanontaniana.

D.R

- Publicité Google Ads -
Suivez nous
276,361FansJ'aime
4,243SuiveursSuivre
611AbonnésS'abonner
Articles qui pourraient vous intéresser

LAISSER UN COMMENTAIRE

S'il vous plaît entrez votre commentaire!
S'il vous plaît entrez votre nom ici