Mbola mitohy hatrany ny fikarohana ataon’ireo tompon’andraikitry ny filaminana ilay mpandraharaha nisy naka an-keriny, ny alin’ny alahady teo. Hatreto dia mbola tsy votsotra izy, hoy ny fampitam-baovao any an-toerana. Tsiahivina, fa mitaky vola 800 tapitrisa ariary ireo andian’olon-dratsy naka takalonaina azy, ho solon’ny famotsorana azy. Hatreto anefa dia mbola tsy voaangon’ireo fianakaviana io volabe io. Etsy andanin’izay anefa, fantatra fa tafaresaka minitra vitsy monja tamin’ireo fianakaviany ity mpandraharaha tany amin’ny toerana nitazon’ireo olon-dratsy azy tany. Toa hoe nasain’ireo olon-dratsy niantso ny fianakaviany mantsy izy, hanery ireo farany hanangona haingana ilay vola.
m.L / Ratantely