Omaly maraina no nitranga ny loza teo amin’ny seranam-piaramanidin’Antalaha. Tokony ho tamin’ny sivy ora sy sasany, tapaka ny hisatr’ilay fiaramanidina kely “Beechcraft bi-moteur” nitondra olona enina. Tafajanon’ny mpanamory ihany izany saingy nivoaka ny làlana tokony nizorany ary nifatratra tao anaty lobolobo. Afa-doza ireo olona nentiny. Tamin’ny tambajotra sosialy no nahafantrana fa isan’ny mpandeha tao anatin’izany ny Me Willy Razafinjatovo fantatra amin’ny solon’anarana Olala. Namonjy fitsaràna tao Antalaha ny anton-diany ary tratrany tsara ihany izany na dia teo aza ny semban-drahona kely noho ny olana ara-teknika izay nanjo ity fiaramanidina manokana ity.
D.R