Miaina ao anatin’ny tebiteby lalandava ny mponina ao amin’ny distrikan’ Antsalova, raha tsy hilaza fotsiny, fa tamin’ny volana aprily ity dia nahitana halatr’omby in-droa nisesy tany an-toerana, sy fanafihana taxi-brousse. Soa ihany fa tsy nisy ny aina nafoy tamin’ity fanafihana fiara ity. Mifanohitra amin’izany ilay halatr’omby miisa 25, ka mpanara- dia iray sy dahalo iray no naratra ary tafaverina tamin’ny tompony ny omby 25 vokatry ny fiaraha-mientan’ny fokonolona sy ny mpitandro filaminana.
Eo anatrehan’izao tsy fandriampahalemanaizao, dia mangataka tobim-miaramila ny mponina any an-toerana ho fanatevenana ny polisy sy ny zandary efa any an-toerana.Fantratra ihanykoa, fa vokatr’io tsy fandriampahalemanaio, dia efa tsy vitsy ireo fandaharan’asa sy tetikasa misy any an-toerana no efa nitsoaka an-daharana ka mihantona ny asa, manampy trotraka izany ny faharatsiana ny lalana izay mampidangana ny entana ilain’ny mponina an-davanandro, sy ny famatsiana isan-karazany, ka anisan’izany ny fanafody.
Anastase
